နိုင်ငံခြားရေးဝန်ကြီး ဒေါ်ဇင်မာအောင် ဥရောပရှိ မြန်မာ့အရေး တစိုက်မတ်မတ်ထောက်ခံသူများနှင့် တွေ့ဆုံဆွေးနွေး

နိုင်ငံခြားရေးဝန်ကြီး ဒေါ်ဇင်မာအောင်သည် ဥရောပရှိ မြန်မာ့အရေးတစိုက်မတ်မတ်ထောက်ခံသူများ နှင့်တွေ့ဆုံကာ မြန်မာပြည်တွင်းတွင် လက်ရှိဖြစ်ပေါ်နေသောအခြေအနေများနှင့် ပြည်ပနိုင်ငံများရှိ မြန်မာ့အရေး ထောက်ခံသူများမှ ပံ့ပိုးကူညီနိုင်မယ့်နည်းလမ်း များကို ဆွေးနွေးခဲ့ပါသည်။ အဆိုပါဆွေးနွေးပွဲသို့ ဂျာမနီ၊ ပြင်သစ်၊ ယူကေ၊ ဆွီဒင်၊ နော်ဝေ၊ ဖင်လန်၊ နယ်သာလန်၊ ဒိန်းမတ်၊ ဆွစ်ဇာလန်၊ ချက်သမ္မတနိုင်ငံ နှင့် စလိုဗက်ကီးယား နိုင်ငံများမှ မြန်မာအသိုင်းအဝိုင်းများ နှင့် မြန်မာ့အရေးစိတ်ပါဝင်စားသူများတက်ရောက်ဆွေးနွေးခဲ့ကြပါသည်။ ချက်သမ္မတနိုင်ငံဆိုင်ရာမြန်မာကိုယ်စားလှယ် ဦးလင်းသန့်လည်း အဆိုပါဆွေးနွေးပွဲသို့တက်ရောက်ခဲ့ပါသည်။