MOFA Admin

မင်းအောင်လှိုင်အား နိုင်ငံ့ခေါင်းဆောင်အဖြစ် သုံးနှုန်းထားခြင်းကို အလွန်အမင်းရှုံ့ချကြောင်း  အမျိုးသားညီညွှတ်ရေးအစိုးရ(NUG)၊ နိုင်ငံခြားရေးဝန်ကြီး ဒေါ်ဇင်မာအောင်မှ တရုတ်ပြည်သူ့သမ္မတနိုင်ငံ၊နိုင်ငံခြားရေးဝန်ကြီး  ဝမ်ယိထံသို့အိတ်ဖွင့်စာတစ်စောင်အား  ပေးပို့ခဲ့ပါသည်။ အဆိုပါအိတ်ဖွင့်စာကို၂၀၂၁ခုနှစ် ၊ဇွန်လ ၊(၇)ရက်နေ့တွင် နိုင်ငံ‌ခြားရေးဝန်ကြီး  ‌ဒေါ်ဇင်မာအောင်မှ တရုတ်-အာဆီယံ ဆက်ဆံရေး နှစ် (၃၀) ပြည့် အထိမ်းအမှတ်နေ့အတွက် နှုတ်ခွန်းဆက်သကြောင်း‌ ပြောဆို၍ မကြာခင်ကျင်းပမည့် တရုတ်-အာဆီယံနိုင်ငံခြားရေးဝန်ကြီးများ အစည်းအဝေးနှင့် လန်ကန်-မဲခေါင် ပူးပေါင်းဆောင်ရွက်ရေးဖိုရမ် ဝန်ကြီးများ အစည်းအဝေး (LMC) များ ကျင်းပမည်ကို သတိပြုမိပါကြောင်းတို့ဖြင့် အစပြု ပြောကြားထားပါသည်။  ထို့ပြင် တရုတ်နိုင်ငံအနေဖြင့် မြန်မာနိုင်ငံတွင်း လက်ရှိ အကျပ်အတည်းများဖြေရှင်းရာတွင် အပြုသဘောဆောင်သော အခန်းကဏ္ဍမှ ပါဝင်သည်ကို ကြိုဆိုပါကြောင်း၊ မင်းအောင်လှိုင်အား  နိုင်ငံ့ခေါင်းဆောင် ဟုသုံးနှုန်းထားသည့်  တရုတ်သံရုံး၏ သတင်းထုတ်ပြန်ချက်ကို အလွန်အမင်းရှုံ့ချကြောင်း၊ တရုတ်-အာဆီယံ ဆက်ဆံရေး နှစ် (၃၀)ပြည့် […]

မြန်မာနိုင်ငံ၏ လက်ရှိကြုံတွေ့နေသော အခက်အခဲများနှင့်ပတ်သက်၍ အမျိုးသားညီညွတ်ရေးအစိုးရ ပြည်ထောင်စုအဖွဲ့ဝင် ဝန်ကြီးများနှင့် မြန်မာနိုင်ငံအရေး ကူညီဆောင်ရွက်ပေးနေသော ဂျပန်နိုင်ငံလွှတ်တော်ကိုယ်စားလှယ်များအဖွဲ့တို့ ပထမဆုံးအကြိမ် အွန်လိုင်းတွေ့ဆုံဆွေးနွေးမှုကို  မေလ ၂၆ ရက် ၂၀၂၁ ခုနှစ်တွင် ပြုလုပ်ခဲ့ပါသည်။  အဆိုပါဆွေးနွေးပွဲအပြီး အမျိုသားညီညွတ်ရေးအစိုးရနှင့် မြန်မာနိုင်ငံအရေး ကူညီဆောင်ရွက်ပေးနေသော ဂျပန်နိုင်ငံလွှတ်တော်ကိုယ်စားလှယ်အဖွဲ့များအကြား ပူးတွဲကြေညာချက်တစ်စောင်ကို ထုတ်ပြန်ခဲ့ပါသည်။  မြန်မာနိုင်ငံအရေး ကူညီဆောင်ရွက်ပေးနေသော ဂျပန်နိုင်ငံလွှတ်တော်ကိုယ်စားလှယ်အဖွဲ့များမှ အမျိုးသားညီညွတ်ရေးအစိုးရအဖွဲ့ (NUG) အား တရားဝင်ပြည်သူ့အစိုးရအဖြစ် အသိအမှတ်ပြုရေး၊ ဒီမိုကရေစီအမြန်ဆုံးပြန်လည်ရရှိရေး၊ မြန်မာနိုင်ငံ၏ လိုအပ်လျက်ရှိသော လူမှုစီးပွားရေးအခြေအနေများအား အမြန်ဆုံးပြန်လည် တည်ဆောက်ရေးကိစ္စများအား အကူအညီပေးနိုင်ရေးတို့ကို မိမိတို့ ဂျပန်နိုင်ငံအစိုးရကို တိုက်တွန်းပြောကြားသွားမည်ဖြစ်ကြောင်း ပြောကြားခဲ့ပါသည်။ ထို့အပြင် စစ်ကောင်စီနှင့်ဆက်စပ်လျက်ရှိသော လုပ်ငန်းများအားလုံးအား ကန့်သတ်၊ရပ်ဆိုင်းခြင်းများ ပြုလုပ်ရေး၊ မြန်မာနိုင်ငံသို့ လက်နက်များတင်ပို့ရောင်းချလျက်ရှိသော အနောက်နိုင်ငံများ၏လုပ်ရပ်များအား အလွန်အမင်းရှုတ်ချပြီး မြန်မာနိုင်ငံသို့ လက်နက်တင်ပို့မှုရပ်ဆိုင်းရေး ကြိုးပမ်းဆောင်ရွက်မှုများအား ကူညီပေးရေးနှင့်

အမျိုးသားညီညွတ်ရေးအစိုးရ၏ ချက်သမ္မတနိုင်ငံဆိုင်ရာ မြန်မာကိုယ်စားလှယ် ဦးလင်းသန့်အား ချက်သမ္မတနိုင်ငံ နိုင်ငံခြားရေးဝန်ကြီးဌာန၊ ဒုတိယဝန်ကြီး မစ္စတာမာတင်တလာပါ (H.E. Mr. Martin Tlapa)က တရားဝင် လက်ခံအသိအမှတ်ပြု ဂုဏ်ယူကြောင်း မေလ ၂၄ ရက်နေ့က ထုတ်ပြန်ခဲ့သည်။ ချက်သမ္မတနိုင်ငံ ဒုတိယနိုင်ငံခြားရေးဝန်ကြီး မစ္စတာမာတင်တလာပါက မိမိတို့ မိတ်ဆွေရင်းချာဆက်ဆံရေးမှတဆင့် သင်၏နိုင်ငံတွင် လတ်တလောရင်ဆိုင်နေရသော အလွန်ခက်ခဲသည့်အခြေအနေများကို ကျော်လွှားရန် အထောက်အပံ့ဖြစ်မည်ဟု အခိုင်အမာယုံကြည်ကြောင်း ဖော်ပြထားသည်။ ချက်သမ္မတနိုင်ငံက မြန်မာနိုင်ငံတွင် စစ်တပ်က အာဏာသိမ်းသည့်နေ့ကတည်းကပင် စစ်အာဏာသိမ်းမှုကို ပြင်းထန်စွာ ရှုံ့ချကြောင်း၊ တရားဝင် ရွေးကောက်တင်မြှောက်ခံရသော ခေါင်းဆောင်များကို ထောက်ခံကြောင်း၊ ၂၀၂၀ ခုနှစ် နိုဝင်ဘာလက ကျင်းပခဲ့သော ပါတီစုံအထွေထွေရွေးကောက်ပွဲရလာဒ်အား လေးစားရေး တောင်းဆိုကြောင်း၊ မတရားသဖြင့် ဖမ်းဆီးထိန်းသိမ်းခံနေရသော နိုင်ငံတော်အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်၊ သမ္မတ

ချက်သမ္မတနိုင်ငံ နိုင်ငံခြားရေးဝန်ကြီး Jakub Kulhanek နှင့် NUG နိုင်ငံခြားရေးဝန်ကြီး ဒေါ်ဇင်မာအောင်တို့သည် ၂၀၂၁ ခုနှစ် မေလ ၂၄ ရက်နေ့တွင် မြန်မာ့အရေး တွေ့ဆုံဆွေးနွေးခဲ့ပါသည်။ ထိုသို့ တွေ့ဆုံဆွေးနွေးရာတွင် ချက်သမ္မတနိုင်ငံ နိုင်ငံခြားရေးဝန်ကြီးမှ အာဏာသိမ်းစစ်ကောင်စီအား အသိအမှတ်မပြုကြောင်း၊ ၄င်းအပြင် လူ့အခွင့်အရေးချိုးဖောက်မှုများနှင့် ပြည်သူလူထုအား အကြမ်းဖက်ဖိနှိပ်မှုများကို ပြင်းပြင်းထန်ထန် ရှုံ့ချကြောင်းနှင့် ပြည်ထောင်စုလွှတ်တော်ကိုယ်စားပြုကော်မတီ CRPH၊ အမျိုးသားညီညွတ်ရေးအစိုးရ NUG နှင့် မြန်မာပြည်သူတို့၏ ဒီမိုကရေစီလမ်းကြောင်းမှန်ပေါ် ပြန်လည်ရောက်ရှိရေး ရုန်းကန်လှုပ်ရှားမှုများကို ထောက်ခံကြောင်း ဆွေးနွေးခဲ့ပြီး၊ NUG နိုင်ငံခြားရေးဝန်ကြီး ဒေါ်ဇင်မာအောင်မှလည်း လက်ရှိ မြန်မာပြည်တွင်း ဖြစ်ပွားလျက်ရှိသည့် စစ်ကောင်စီ၏ အကြမ်းဖက်ဖိနှိပ်မှုများ ရန်ကုန်၊ မန္တလေး အစရှိသည့် မြို့အသီးသီးတွင် အကြမ်းမဖက်ငြိမ်းချမ်းစွာ ဆန္ဒထုတ်ဖော်သူများအား အကြမ်းဖက်ဖြိုခွင်းသတ်ဖြတ်၊ ဖမ်းဆီးမှုများအပြင် တိုင်းရင်းသားဒေသများတွင်

ပြည်ထောင်စု သမ္မတ မြန်မာနိုင်ငံတော်၊ အမျိုးသားညီညွတ်ရေး အစိုးရအဖွဲ့၊ နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဒေါ်ဇင်မာအောင်၊ လူ့အခွင့်အရေးဝန်ကြီးဌာန ပြည်ထောင်စုဝန်ကြီး ဦးအောင်မျိုးမင်းတို့က ပြင်သစ် – မြန်မာ ချစ်ကြည်ရေးအသင်း ဥက္ကဌ၊ ဒုဥက္ကဌတို့အား လက်ခံတွေ့ဆုံ ယနေ့ မေလ ၂၁ရက်၊ ၂၀၂၁ခုနှစ် နေ့လည် (၁) နာရီအချိန်တွင် ပြည်ထောင်စု သမ္မတ မြန်မာနိုင်ငံတော်၊ အမျိုးသား ညီညွတ်ရေး အစိုးရအဖွဲ့ ၊ နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဒေါ်ဇင်မာအောင်နှင့် လူ့အခွင့်အရေးဆိုင်ရာဝန်ကြီးဌာန ပြည်ထောင်စုဝန်ကြီး ဦးအောင်မျိုးမင်းတို့သည် ပြင်သစ် – မြန်မာ ချစ်ကြည်ရေးအသင်း ဥက္ကဌ၊ ဒုတိယဥက္ကဌနှင့် အာရှပြင်သစ်အသင်း ကိုယ်စားလှယ်တို့ကို လက်ခံတွေ့ဆုံခဲ့ပါသည်။ တွေ့ဆုံပွဲတွင် ပြည်ထောင်စုလွှတ်တော် ကိုယ်စားပြုကော်မတီ၏ နိုင်ငံတကာရေးရာ ကော်မတီ (CRPH IR Committee)